geetmark

السجن مش بس للجسد، ممكن تكون حر طليق في أرض الله وبردو مسجون!!
سجن العقل أخطر وتأثيره على الإنسان أكبر

ممكن تسجنه في خوف يمنعه من الحياة أو لحظة غضب تخليه يعمل سلوك ياخد عليه أشغال شاقة من الندم بقية عمره.

ممكن تسجنه في حب نفسك فتمنعه من إنه يشوف الحقيقة لو كانت مخالفة ليك، وممكن تسجنه بالحقد والكره فتعذبه بيهم وتمنعه من إنه يشوف الحقيقة أكتر وأكتر

ممكن تسجنه في العادات والتقاليد اللي ممكن تكون بعيدة عن العقل وممكن تسجنه في انتماء مزيف وانقياد عاطفي لكيان بتستمد منه احتياجات اجتماعية ونفسية ويكون الكيان ده ضد العقل.

ممكن تسجنه بكسلك وخمولك وسوء تشخيصك أو تسجنه بحبك للتسلط وشهوة التحكم وإتخاذ القرارات..

أمور كتير ممكن تعمي العقل وتكون حجاب بينه وبين الحقيقة، لازم الإنسان يتخلص منها عشان يكون حر.