من الأخطاء الشائعة حاليا هي خلط المفاهيم
وواحدة من أشهر المغالطات الناتجة عن الخلط ده هي (متحكمش على حد علشان انت متعرفش مين فيكوا أقرب لله)
والكلام ده صحيح ودقيق 100% ولكن لما يبدأ صاحب الجملة دي يتكلم عن الشخص السارق مثلًا بس حنين على أهل بيته
أو القاتل بس جدع مع أصحابه وطبعًا أمثلة أكثر فجاجة وسذاجة كمان
هنا بتبدأ المغالطة الفعلية لإن صحيح متحكمش على حد بس الطبيعي إنك تحكم على السلوك
السرقة غلط والحنية مع الأهل صح والقتل غلط والجدعنة صح
ده الكلام العاقل إنما فكرة إلغاء الأحكام فهو إلغاء للمعرفة الإنسانية أصلًا
حيث إن المعرفة والعلم بيبدأ من الحكم والحكم الصحيح بيكون بدليل