geetmark

الحب مثل البحر لا تغامر وتدخله بسرعه اخذ وقتك فكر وراقب هذا البحر شكله عمقه غضبه وهدوئه وجماله وفائدته وضرره...

اغلب مشاكل العصر هيه عن الحب اما حبيبه تاركه او يحب من طرف واحد او مايعرف يصارح او خيانه ..

السبب الي وصلنا لهاي الحاله هيه قله التفكير ونريد نحصل هالشخص باسرع وقت وبأي طريقه بس المهم نريد نملك هالشخص رغم انت ماتعرف هالشخص حق المعرفه مجرد انعجبت بي وردت تستحوذ عليه ..

ركزوا الحب شي مو هين الحب شي صعب وربما اصعب شي بالدنيا لان تحتاج وقت وتفكير واموال والتزام بكلمتك وتحكم بعصبيتك وتحكم بمشاعرك وتخلي لكرامتك حدود
خفف حمُولة قلبك بالتخلي ليست كل الأشياء تستحق الإهتمام ..

صح الحب شي مهم بحياه الانسان لكن لا تخلي شي اساسي بتفكيرك لان مجرد ماتشوف شخص راح تنعجب بي ومجرد ماينظرلك شخص او يضحكلك راح تاخذها بغير نظره..

اذا انعجبت بشخص تابعه وتقربله اعرف طبعه شنو يحب شنو يكره نقطه ضعفه ونقطه قوته سلبياته وايجابياته اعرف عن حياته وعلاقاته واهتم بيه وافتحله قلبك واهم شي الثقه..


واخيرا ارجع فكر شوف هالشخص يناسبك او لا قبل لا تتورط
#مجرد_نصيحه