geetmark

الصيادين اليابانيين كان عندهم مشكلة وهي أنهم كانوا بيدخلوا في عمق المحيط علشان يصطادوا وبياخدوا فترة طويلة علشان يرجعوا الشط فعلشان السمك مايبوظش كانوا بيجمدوه بس ده ماكنش حل عظيم قوي لأن طعم السمك المجمد مابيبقاش حلو زي السمك الطازه فراحوا فكروا في فكرة تانية وهي أنهم يصطادوا السمك ويحطوه جوا خزانات فيها ميه فيفضل السمك صاحي لحد مايوصلوا الشط وده حل جزء من المشكلة بس برضه فضل طعم السمك اللي في الخزان مش زي طعم السمك الطازه بالرغم من أنه بيفضل صاحي لحد ما اكتشفوا السبب وهو أنه السمك في البحر بيبقى في حالة حركة مستمرة لأنه لو ماتحركش هيتاكل وبالتالي كانت الدورة الدموية عنده شغاله كويس وده اللي بيخلي طعم السمك حلو أما السمك اللي في الخزان فبيبقى في حالة خمول لأنه مافيش سبب يخليه يتحرك ... علشان يحلوا المشكلة دي قرروا أنهم يحطوا في كل خزان سمك سمكة قرش صغيرة تفضل تطارد السمك فيبقى على طول بيجري من سمكة القرش (صحيح سمكة القرش الصغنونه هتاكل شوية سمك بس في النهاية هيوصلوا بمعظم السمك طعمه طازه) ... القصة دي فيها moral حلووهي إنك لازم تدور على Motivation يخليك تتحرك حتى لو كان الخوف ... ممكن الخوف من المرض يخليك تاكل هيلثي وتلعب رياضة ... ممكن الخوف من الإحتياج المادي يخليك تهتم بشغلك وتطور من نفسك ... وهكذا ... المهم إنك ماتدخلش الcomfort zone وتسترخي لأنه هييجي على دماغك دايماً المهم أنك دايماً تلاقي الshark اللي يحركك لقدام وفي رأيى الشخصي أهم shark ممكن تلاقيه هو خوفك من إنك تبقى إنسان فاشل لأن ده مايليقش بيك ... You are better than that ...أو زي ماقال أحمد خالد توفيق الله يرحمه "ما الذي يدفعك للمحاولة؟ ... إيماني الشديد بأن القاع ليس لي". كل سنة وانتوا طيبين.