كل واحد مننا له شفرة
مرتبطة بمكان...
بتتحل لما تروحله...
وتتمشي او تقعد فيه...
بس المفاجأة لما تلاقي
حد قريب من دمك...
وماشافش المكان ده قبل كدة
ولما يمشي معاك ف شوارع رجلك
لمست كل حتة فيها...
تلاقيه ساااكت .. ومنبهر
مع ان المكان يبان لناس كتير
انه مش حلو....وضيق
وبيوته قديمة
بس الحكاية مش ف شكل ولا لون
السر هناك بيكون هو
الطعم....
اه... طعم البيوت
وطعم الشوارع
وطعم الناس....
لان طعمهم بتحسه علي لسانك
اول ماتاخد بعضك وتروح هناك
هي ممكن اطلال...
بس اطلال لاجمل ذكريات
فيها لمة العيلة
ودفا الاسرة
وصوت الاب
وابتسامة الام...
ولعب الصغيرين
عن... اللمة العيله أتحدث................