1 week ago •
** إبني بيكرر الخطأ رغم إني بعاقبه دايما عليه...أعمل إيه؟؟؟?
أول حاجة لازم نعرفها إن الأطفال ذاكرتهم قصيرة يعني بينسوا بسرعة، بيفتكروا بس العقاب بس بينسوا سبب العقاب ،عشان كده لازم أعرف إزاي أعاقب إبني من غير ما أثر في نفسيته بالسلب؟؟
✋لازم أراعي في العقاب شوية حاجات ::
1⃣العقاب ميبقاش عمال علي بطال، هيفقد قيمته، فوتي شويه الأخطاء الصغيرة، كبري دماغك، إعملي نفسك مش شايفة وتعالي بعدها وجهيه للصح..
2⃣العقاب لازم يكون في ساعتها وقت وقوع الخطأ ،عشان يرتبط في مخه العقاب بالخطأ اللي عمله، مفيش حاجة إسمها بحوشلك وتفضلي ساكته وتنفجري فيه مرة واحدة، وساعتها هو مش هيفهم ليه العقاب الشديد ده..
3⃣متعاقبيش إبنك علي حاجة أنتي بتعمليها أو باباه بيعملها قدامه،لأن ساعتها هيبقي شكلك وحش أووووووي لو قالك ما انتي بتعملي كده ، ماتعقبهوش علي الكدب وانتي لما تليفون البيت بيرن بتقولتيله قول ماما نايمة، خدي بالك من تصرفاتك قدامهم لأنهم مرايتك وبيقلدوكي في كل حاجة.
4⃣الغلط لازم بيفضل غلط، يعني الغلطة اللي تعاقب عليها مرة مينفعش لما تتعمل تاني تعدي عادي، لأ الغلط غلط في كل مرة.
5⃣مينفعش أي حد يعترض علي عقابك قصاد الولاد حتي الأب ،العقاب لازم يتنفذ مفيش استثناء الغير مسموح بيفضل غير مسموح، عشان يفهم إني مينفعش أعمل كده قدام ماما لكن لو بابا قاعد يبقي عادي.
6⃣خلي دايما العقاب مرتبط بالخطأ ،يعني لو كسر لعبته يبقي العقاب إن مفيش لعبة تانية، عشان يعرف إن الغلطة ليها عواقب مرتبطة بيها، يعني ميكسرش لعبته وتقوليله أنت محروم من النادي (منين بيودي علي فين??).
7⃣متهددوش بحاجة انتي مش أدها ،ولا بالخرافات الموروثة هجبلك العو وأم رجل مسلوخة،وهكسرك وهعلقك، تعلقي مين وتكسري مين يا حاجة بس? ههددي بعقاب ينفع تنفذيه، بلاش التهدديات اللي في الهوا دي بتخلي العيال تستخف بينا، الجيل ده مش عبيط دول أنصح مننا?
8⃣أوعي تعاقبيه قصاد حد ،لا قريب ولا غريب، العقاب يكون بينك وبينه، الغرض من العقاب هو التقويم وليس الإهانة..
9⃣من وقت للتاني قيمي نتيجة عقابك، لو لاقتيه بيكرر الخطأ يبقي عقابك مش جايب نتيجة، مع إن نفس العقاب جاب نتيجة مع أخته،بس مش شرط اللي جاب نتيجة مع طفل يجيب نتيجة مع التاني، غيري الطريقة و جربي طريقة تانية..
?أهم حاجة لازم نعرفها أن العقاب بيجي بعد التوجيه المستمر وشرح عواقب هذا الخطأ ،والأهم من كل ده إمدحيهم وكافئيهم علي أي حاجة حلوة يعملوها وعلي كل حاجة وحشة مش بيعملوها، لازم يفهموا زي ما في عقاب فيه إثابة ومكافآت..
Likes
comment
Share
Related content
طرق تقوية الذاكرة عند الطفل ------------- ١- إعطائه فرصة للجري وممارسة النشاطات الرياض...
4 weeks ago
فن التربية......يقول أحد الاباء: ذات يوم أساء ابني للجميع، فضرب أخته وشتم أخاه وأغضب ...
2 weeks ago
#انفوجرافيك : كيف تبني الاخلاق والسلوكيات فى #ابنائك
3 weeks ago
انفوجرافيك : ازرع الحب بين اولادك ????
3 weeks ago
انفوجرافيك : مظاهر العناد عند الأطفال ?
3 weeks ago