كلام صحيح
مينفعش فعلًا نحاول نقنع قرد إنه ياكل تفاح وملناش دخل بذوق القرد
ليه؟
لأنه قرد? وبالتالي مينفعش ناخد المثال ده على الناس
والسبب الأهم لأن دي أمور ذوقية نسبية فالنهاية مينفعش تتعامل معاها في إطار اليقين
يعني مينفعش تنظر مثلًا لأد إيه الفراولة طعمها أحلى من المانجة كأنها حقيقة من حقايق الكون
أو تبقى شايف إن اللي مش مقتنع بجمال وحلاوة اللون الأزرق كأجمل لون فالعالم ده شخص عنده خلل معرفي مثلًا!
دي أمور ذوقية نسبية لازم تسيب القرد والإنسان يحبوا فيها اللي هما عاوزينه
ولكن مش مقبول أبدًا تقبل بقيم غير أخلاقية من منطلق (سيب القرد والإنسان فحاله) لإن هدم القيم دي مش بس مؤثر على صاحبها لأ دي كمان مؤثرة عليك وعلى مجتمعك وعلى كل اللي حواليك
علشان كده القيم دي لازم تتعامل معاها من منطلق الثبات والتأكيد المطلق ومينفعش تقبل بنسبيتها
بس علشان تقدر تتعامل معاها بالمنظور ده بشكل صحيح فانت محتاج أصلًا تكون متأكد إنها بالفعل القيم الصحيحة السليمة الموافقة للعقل والفطرة الإنسانية والأوامر الإلهية
علشان كده انت محتاج توصل لاستدلالات صحيحة على القيم الإنسانية
باختصار انت محتاج تكون .. عقلاني